پشاور: کسٹم پولیس کا ڈالر اسمگلنگ میں ملوث ہونے کا انکشاف، انسپکٹر گرفتار

پشاور: وفاقی تحقیقاتی ادارے (ایف آئی اے) نے طورخم بارڈر پر کارروائی کرتے ہوئے ڈالر اسمگلنگ میں ملوث کسٹم انسپکٹر سمیت  2 ملزمان کو گرفتار کرلیا۔

ایف آئی اے حکام کے مطابق گرفتار انسپکٹر واجد طورخم بارڈر پر تعینات تھا اور ملزمان کو اسمگلنگ میں معاونت دے رہا تھا جب کہ دوسرا ملزم اسفندیار کسٹم حکام کی ملی بھگت سے غیر قانونی طریقے سے ڈالر کی کلیئرنگ میں ملوث تھا۔ 

ایف آئی اے حکام نے بتایا کہ دوران تلاشی ملزم اسفند یار سے ایک لاکھ 23 ہزار امریکی ڈالر بھی برآمد ہوئے۔

ایف آئی اے کے مطابق ملزم ایجنٹوں سے طورخم بارڈر پر واقع کسٹم کے دفاتر میں ڈالر وصول کرتا تھا اور ایک لاکھ ڈالر کی اسمگلنگ کے عوض 50 ہزار روپے کمیشن وصول کرتا تھا، کمیشن کے نام پر حاصل کردہ رقم کسٹم حکام کے حوالے کی جاتی تھی۔

ایف آئی اے حکام نے بتایا کہ  ملزمان کو گرفتار کرکے تفتیش کا آغاز کردیا گیا ہے۔

About The Author

ridernewshd

See author's posts