ridernewshd 
بھارت کے دارالحکومت نئی دہلی میں گزشتہ دنوں بند کیا گیا افغان سفارتخانہ دوبارہ کھول دیا گیا۔
افغان میڈیاکےمطابق ممبئی کی قونصل جنرل ذکیہ وردک اور حیدرآباد کے قونصل جنرل سید محمد ابراہیم خیل نے نئی دلی میں سفارتخانےکی ذمہ داریاں سنبھال لیں۔
رپورٹس میں کہا گیا ہے کہ بھارت میں سفارتخانہ دوبارہ کھولنے کا فیصلہ بھارتی حکومت کی درخواست پر لیاگیا۔
گزشتہ دنوں افغانستان کی وزارت خارجہ کے تحت ہونے والی آن لائن میٹنگ میں سابقہ دور میں تعینات ہونے والے ممبئی کی قونصل جنرل ذکیہ وردک اور حیدرآباد کے قونصل جنرل سید محمد ابراہیم خیل نے شرکت کی تھی جس کا باقاعدہ اعلان کیا گیا تھا۔
بلومبرگ نے سابق افغان سفیر کا حوالہ دیتے ہوئے کہا ہے کہ سابقہ حکومت کے تعینات کردہ کئی سفارتی اہلکار نوکریوں سے مستعفی ہوچکے ہیں اور باقی رہ جانے والے طالبان کی حمایت کرر ہے ہیں۔
خیال رہے کہ بھارت میں افغان سفارتخانہ24 نومبرکو بند کردیاگیا تھا، گزشتہ دنوں افغان نائب وزیرخارجہ عباس ستانکزئی نے بھارت میں سفارتخانہ کھولے جانے کی توقع ظاہرکی تھی۔
About The Author
