اداروں پر حملہ جرم ہے، قانون ہاتھ میں لینے والوں کو نتائج کا سامنا کرنا پڑے گا: وزیراعظم
ridernewshd
1 min read
نگران وزیر اعظم انوار الحق کاکڑ نے کہا ہے کہ ریاستی اداروں پر حملہ ہر ملک میں جرم ہے، قانون ہاتھ میں لینے والوں کو نتائج کا سامنا کرنا پڑے گا۔
صوابی میں غلام اسحاق خان انسٹیٹیوٹ کے طالب علموں سے خطاب کرتے ہوئے ، نگران وزیراعظم کا کہنا تھا کہ یہ سوال غلط ہے کہ ریاستی اقدامات کیوں کیے گئے؟ کچھ لوگ سیاسی احتجاج چاہتے ہیں مگر سیاسی رویوں پر بات نہیں کرنا چاہتے۔
انہوں نے کہا کہ ریاست کا نظام، قانون اور آئین کے مطابق چلتا ہے، قانون ہاتھ میں لینے والوں کے خلاف ریاست آئین کے تحت اقدامات کرتی ہے۔
اس سے پہلے نگران وزیراعظم نے غلام اسحاق خان انسٹیٹیوٹ میں گرلز ہاسٹل کی نئی عمارت کا افتتاح بھی کیا۔
نگران وزیراعظم کا بی این اے کمانڈر کے ساتھیوں سمیت ہتھیار ڈالنے کا خیرمقدم
نگران وزیر اعظم انوار الحق کاکڑ نے کہا ہے کہ بی این اے کے کمانڈر سرفراز بنگلزئی عرف مرید بلوچ کا اپنے ساتھیوں کے ساتھ ہتھیار ڈالنا پاکستان اور بلوچستان کی ترقی کیلئے خوش آئند ہے۔
About The Author
