مسلح افواج ابھرتے خطرے سے نمٹنے کیلئے سسٹمز کو جدید بنا رہی ہیں، آرمی چیف

سونمیانی میں البیضا تھری 2024 مشق شروع ہوگئی۔ آئی ایس پی آر کے مطابق آرمی چیف جنرل عاصم منیر نے مختلف ائیر ڈیفنس ویپن سسٹم کی فائرنگ کا مشاہدہ کیا۔ 

پاک فوج کے شعبہ تعلقات عامہ آئی ایس پی آر کے مطابق آرمی چیف نے آرمی ایئر ڈیفنس سسٹم کے مربوط فائر اور جنگی مشقوں کا مشاہدہ  کیا۔ انہوں نے ہائی ٹو میڈیم ایئر ڈیفنس ویپن سسٹم کا بھی مشاہدہ کیا۔

آئی ایس پی آر کے مطابق آرمی چیف نے کم سے درمیانے درجے کے فضائی دفاعی نظام کا بھی مشاہدہ کیا۔ 

اس موقع پر آرمی چیف نے کہا کہ مسلح افواج پاکستان کے خلاف ابھرتے خطرے سے نمٹنے کے لیے اپنے سسٹمز کو جدید بنا رہی ہیں۔ 

آئی ایس پی آر کے مطابق آرمی چیف نے اہداف کے حصول میں کور آف آرمی ایئر ڈیفنس کی آپریشنل تیاری کو سراہا۔ آرمی چیف جنرل عاصم منیر نے افسران اور فوجی جوانوں کے ساتھ بات چیت کی۔ 

آئی ایس پی آر مطابق کور کمانڈر کراچی، کمانڈر آرمی ایئر ڈیفنس، انسپکٹر جنرل ٹریننگ اینڈ ایویلیوایشن اور انسپکٹر جنرل آرمز نے بھی مشق کا مشاہدہ کیا۔ 

آئی ایس پی آر کے مطابق  آرمی چیف جنرل سید عاصم منیر نے آرمی ایئر ڈیفنس سینٹر کا بھی دورہ کیا۔ آرمی چیف نے یادگار شہدا پر پھول رکھے اور شہداء کو خراج عقیدت پیش کیا۔ 

آئی ایس پی آر کے مطابق ہائی ٹو میڈیم ائیر ڈیفنس ویپن سسٹم کا یہ پہلا تاریخی کامیاب تجربہ تھا۔

About The Author

ridernewshd

See author's posts