ridernewshd 
پاکستان مسلم لیگ (ن) کے صدر شہباز شریف نے کہا ہے کہ ایک شخص آیا اور کہا سب چور ہیں، صرف وہ فرشتہ ہے۔
گوجرانوالہ میں جلسے سے خطاب کرتے ہوئے شہباز شریف نے کہا کہ گزشتہ حکومت نے نواز شریف کا ایک ایک منصوبہ ختم کیا، ڈائیلاسز سینٹرز کو بھی پچھلی حکومت نے بند کر دیا۔
شہباز شریف نے کہا کہ ٹرانسپیرینسی انٹرنیشنل کی رپورٹ ہے کہ تحریک انصاف کے دور میں کرپشن بڑھی، آج دوبارہ رپورٹ آئی کہ نوازشریف کی قیادت میں اتحادی حکومت میں کرپشن 7 پوائنٹس کم ہوئی۔
انہوں نے کہا کہ نواز شریف اپنے دور میں کرپشن پر کاری ضرب لگاتا رہا، نواز شریف نے 15 ہزار میگاواٹ بجلی کے منصوبے لگائے، سڑکیں بنائیں، کالج اور یونیورسٹیز بنائیں۔
شہباز شریف نے یہ بھی کہا کہ نواز شریف کے زمانے میں سڑکیں بنیں، نواز شریف کے دور میں بچوں کو تعلیمی وظائف ملے، کالج اور یونیورسٹیز بنائیں۔
رہنما مسلم لیگ ن نے کہا کہ پی ٹی آئی کے دور میں ایک گھر کی اینٹ بھی نہ رکھی، پی ٹی آئی کے دور میں کرپشن دوبارہ بڑھ گئی تھی، نواز شریف کو موقع ملا تو وہ دوبارہ آپ کے ہاتھ میں لیپ ٹاپ دے گا۔
About The Author
