قومی وطن پارٹی اور اے این پی میں سیٹ ایڈجسٹمنٹ پر اتفاق

عوامی نیشنل پارٹی (اے این پی) اور قومی وطن پارٹی (کیو ڈبلیو پی) میں سیٹ ایڈجسٹمنٹ پر اتفاق ہوگیا۔

ذرائع کے مطابق دونوں جماعتوں کے رہنما قومی اسمبلی کے 2 حلقوں پر سیٹ ایڈجسٹمنٹ سے متعلق اعلان کریں گے۔

ذرائع کا کہنا ہے کہ این اے 24 چارسدہ پر قومی وطن پارٹی کے حق میں اے این پی امیدوار دستبردار ہوگا جبکہ این اے 25 پر قومی وطن پارٹی اپنا امیدوار ایمل ولی خان کے حق میں دستبردار کرے گی۔

ذرائع کے مطابق این اے 24 پر اے این پی امیدوار عرفان عالم قومی وطن پارٹی کے چیئرمین آفتاب خان شیر پاؤ کے حق میں دستبردار ہوں گے۔

دوسری طرف قومی وطن پارٹی این اے 25 پر قیصر جمال کو ایمل ولی خان کے حق میں دستبردار کرنے کا اعلان کرے گی۔

About The Author

ridernewshd

See author's posts