ridernewshd 
پاکستان مسلم لیگ (ن) کے قائد اور سابق وزیر اعظم نواز شریف کی خصوصی طیارے سے اسلام آباد آمد ہوئی، جس کے بعد نواز شریف اسلام آباد سے مری روانہ ہوگئے۔
ذرائع کا کہنا ہے کہ مری میں قیام کے دوران نواز شریف کی سیاسی ملاقاتیں شیڈول نہیں ہیں۔
دوسری جانب حکومت سازی کیلئے ن لیگ اور پیپلز پارٹی کے مذاکرات کا اہم دور جاری ہے جس میں آج معاملات طے ہونے کا امکان ہے۔
اسحاق ڈار کا کہنا ہے کہ کوشش ہے حکومت سازی کیلئے مذاکرات جلد مکمل کرلیں، پیپلز پارٹی سمیت دیگر اتحادیوں سے بھی بات چیت ہوگی۔
ن لیگ کا وفد آج ایم کیو ایم، استحکام پاکستان اور ق لیگ سے بھی ملاقاتیں کرے گا۔
ایم کیو ایم پاکستان کے رہنما فاروق ستار کا کہنا ہے کہ آج ن لیگ سے ملاقات میں حکومت سازی کے معاملات طے کیے جائیں گے۔
About The Author
