ridernewshd 
پاکستان تحریک انصاف کے سینیئر رہنما اور نومنتخب سینیٹر حامد خان نے کہا ہےکہ اسلام آباد ہائی کورٹ کے 6 ججوں کے خط کے معاملے میں سیاسی جماعتیں نہ ہی پڑیں تو اچھا ہے۔
جیو نیوز کے پروگرام آج شاہ زیب خانزادہ کے ساتھ میں بات چیت کرتے ہوئے سینیئر وکیل حامد خان کا کہنا تھا کہ یہ وکلاء اور ججوں کا معاملہ ہے، اسے بار اور عدلیہ کے سپرد کرنا چاہیے۔
حامد خان کا کہنا تھا کہ چیف جسٹس پاکستان نے6 ججوں کے خط کے معاملے پر اسلام آباد میں موجود تمام ججوں کا بینچ بنا دیا ہے، لگتا ہے اور ہمارا مطالبہ بھی یہ ہےکہ فل کورٹ ہی اس کیس کی سماعت کرے۔
انہوں نےکہا کہ یہ معاملہ پارٹیوں کے درمیان گیا تو متنازع ہو جائےگا۔
انہوں نے پارٹی رہنما رؤف حسن کی جانب سے چیف جسٹس کے استعفےکے مطالبے کی بھی مخالفت کی اور کہا کہ انہیں اس میں نہیں پڑنا چاہیے۔
About The Author
