پاکستان کو ایسا مضبوط بنائیں گے کہ دشمن میلی آنکھ سے دیکھنے کا تصور بھی نہ کر پائے گا: مریم نواز
ridernewshd
1 min read
وزیر اعلیٰ پنجاب مریم نواز نے کہا ہے کہ پاکستان کو ایسا مضبوط اور مستحکم بنائیں گے کہ دشمن میلی آنکھ سے دیکھنے کا تصور بھی نہ کر پائے گا۔
بھارتی جارحیت کو منہ توڑ جواب دینے کے بعد یوم تشکر کے موقع پر اپنے پیغام میں مریم نواز نے کہا کہ اللہ تعالی کے شکر گزار ہیں کہ دشمن کے ناپاک ارادوں کو خاک میں ملایا، آج کا دن صرف شکرگزاری کا نہیں غیرت، جرأت اور قومی وحدت کی فتح کا دن ہے۔
مریم نواز کا کہنا تھا کہ پاک فوج بہادر، پروفیشنل اور باصلاحیت ادارہ ہے، افواج پاکستان نے بھارتی جارحیت کا جواب صرف گولی سے نہیں حکمت سے بھی دیا، شاہینوں نے دشمن کے طیارے گرا کر دنیا کو پیغام دیا کہ پاکستان کا دفاع ناقابلِ تسخیر ہے اور دنیا نے جان لیا کہ پاکستان اپنے دفاع میں ایک قدم پیچھے نہیں ہٹے گا۔
وزیر اعلیٰ پنجاب نے کہا کہ جوانوں کو سلام پیش کرتے ہیں، جوانوں نے دشمن کو بتا دیا کہ پاکستان کمزور یا بزدل نہیں، پاکستان کی قیادت مخلص ہے، قوم متحد اور افواج ناقابلِ شکست ہیں۔ہمارے شہدا کی قربانیوں کو رائیگاں نہیں جانے دیں گے، نوجوانوں کو تعلیم، ہنر اور ٹیکنالوجی سے بااختیار بنائیں گے، ایسا پاکستان بنائیں گے جسے کوئی دشمن میلی آنکھ سے دیکھنے کا تصور بھی نہیں کر پائے
About The Author
