امریکی صدر ڈونلڈ ٹرمپ نے روس کو امن معاہدہ کرنے کے لیے 50 دن کی نئے ڈیڈ لائن دے دی۔
ridernewshd
1 min read
امریکی صدر ڈونلڈ ٹرمپ نے روس کو دھمکی دیتے ہوئے کہا اگر روس نے 50 روز میں یوکرین کے ساتھ امن معاہدہ نہیں کیا تو ہم روس پر 100 فیصد ٹیرف عائد کر ینگے۔
اوول آفس میں ایک صحافی کی سوال کی جواب میں امریکی صدر ڈونلڈ ٹرمپ نے کہا کہ روس نے 50 روز میں یوکرین کے ساتھ امن معاہدہ نہ کیا تو میں روس پر 100 فیصد ٹیرف عائد کرونگا۔ڈونلڈ ٹرمپ نے یہ بات نیٹو کے سیکرٹری جنرل مارک روٹے سے اوول آفس میں ملاقات کے بعد میڈیا سےگفتگو کے دوران کہی۔
صدر ٹرمپ نے کہا کہ وہ روسی صدر ولادیمیرپیوٹن سے خوش نہیں کیونکہ صدر پیوٹن کو یوکرین سے 2 ماہ قبل ہی امن معاہدہ کرلینا چاہیےتھا لیکن روسی صدر نے ایسا نہیں کیا۔
امریکی صدر نے کہا کہ وہ یوکرین کو پیٹریاٹ میزائل سسٹم فراہم کریں گے تاکہ یوکرین روس کے خلاف جنگ میں اپنا دفاع کرسکے۔
امریکی صدر کاکہنا تھا کہ تجارت جنگوں کے خاتمے کا بہترین ذریعہ ہے، ہم نے پاکستان بھارت کے درمیان جنگ رُکوائی، دونوں ممالک تیزی سے جوہری جنگ کی طرف جا رہے تھے۔
انہوں نے مزید کہا تجارتی ٹیکسوں میں اضافے پر یورپی یونین اور دیگر ممالک سے بات چیت کے لیے تیار ہیں اور اس حوالے سے یورپی یونین حکام بات چیت کے لیے آرہے ہیں۔
About The Author
