پی ٹی آئی کو بڑی جماعت میں نے بنایا، صوبے سے صفایا بھی میں کروں گا، پرویز خٹک
ridernewshd
1 min read
پاکستان تحریک انصاف پارلیمینٹرینز (پی ٹی آئی پی) کے چیئرمین پرویز خٹک کا کہنا ہے کہ پی ٹی آئی کو خیبر پختونخوا کی بڑی جماعت میں نے بنایا، صوبے سے پی ٹی آئی کا صفایا بھی میں کروں گا۔
نوشہرہ میں جلسے سے خطاب کرتے ہوئے پرویز خٹک نے کہا کہ بانی پی ٹی آئی دعویٰ کرتے تھے کہ کسی کے جانے سے فرق نہیں پڑتا، انتخابات کے دن ثابت کروں گا میرے جانے سے کتنا فرق پڑا۔
پرویز خٹک نے مزید کہا کہ شیر، تیر، کتاب والوں کو پختونخوا میں حکومت میں آنے کا کوئی حق نہیں، مولانا فضل الرحمان، نواز شریف اور آصف علی زرداری نے اس صوبے کے عوام کو مایوسی کے سوا کچھ نہیں دیا۔
About The Author
