ridernewshd 
چین کے صوبے جیانگ شی میں دکانوں میں آگ لگنے سے 39 افراد ہلاک اور 9 زخمی ہوگئے۔
چینی حکام کے مطابق آگ لگنے کے بعد دکانوں میں کچھ افراد پھنسے ہوئے ہیں، متاثرہ مقام پر امدادی سرگرمیاں جاری ہیں۔
حکام کے مطابق آگ دکانوں کے زیر زمین فلور سے شروع ہوئی اور دیکھتے ہی دیکھتے نزدیکی دکانوں کو بھی لپیٹ میں لے لیا۔ زیر زمین فلور پر انٹرنیٹ کیفے بنا ہوا تھا۔
حادثے کے مقام پر آگ بجھانے کا کام اور امدادی سرگرمیاں جاری ہیں۔
دوسری جانب چین میں آتشبازی کا سامان لے جانے والی گاڑی میں دھماکے کے بعد آگ لگتے ہی آتش بازی کا سماں بن گیا اور ٹریفک جام ہو گیا، خوش قمستی سے کوئی جانی نقصان نہیں ہوا۔
About The Author
