ridernewshd 
امریکی سفیر ڈونلڈ بلوم نے کہا ہے کہ ہم پاکستان کو ترقی کرتے، پھلتے پھولتے اور اپنے خوابوں کی تعبیر حاصل کرتے دیکھنا چاہتے ہیں۔
پاکستان میں امریکی سفیر ڈونلڈ بلوم نے کراچی کا دورہ کیا جس میں انہوں نے مختلف اداروں اور شعبہ ہائے زندگی سے تعلق رکھنے والے افراد سے ملاقاتیں کیں۔
امریکی قونصل خانہ کراچی کے ترجمان کے مطابق ڈونلڈ بلوم نے امریکی بزنس کونسل سے ملاقات کے علاوہ نگراں وزیراعلیٰ سندھ جسٹس (ر) مقبول باقر اور نگراں وزیراعلیٰ بلوچستان سے بھی ملاقاتیں کیں اور امریکی تعاون سے جاری پروگرامز کے ذریعے نئے کاروباری افراد کی مدد کا اعادہ کیا۔
ڈونلڈ بلوم کا کہنا تھا کہ ہم پاکستان کو ترقی کرتے، پھلتے پھولتے اور اپنے خواہوں کی تعبیر حاصل کرتے دیکھنا چاہتے ہیں، اسی لیے ہم سمجھتے ہیں کہ کسی فرد کی جانب سے کاروبار شروع کرنا امیدیں پیدا کرنے والا عمل ہے۔
انکا یہ بھی کہنا تھا کہ ہم پاکستان کے ساتھ تجارتی اور اقتصادی شراکت داری کو وسعت دینا چاہتے ہیں تاکہ ہمارے تعلقات گہرے اور یہاں کے تاجر بااختیار بنیں۔
ترجمان امریکی قونصل خانہ کراچی نے بتایا کہ پاکستان میں امریکی سفیر نے 21 سے 23 جنوری تک کراچی کا دورہ کیا تھا۔
About The Author
