ridernewshd 
چین نے کامیاب انتخابات پر پاکستان کو مبارکباد دی ہے۔ چینی وزارت خارجہ کی ترجمان نے پاکستانی قوم کو بہترین انتخابات منعقد کرنے پر مبارکباد پیش کرتے ہوئے کہا کہ پاکستان میں عام انتخابات مستحکم اور ہموار طریقے سے منعقد کیے گئے۔
چینی ترجمان کے مطابق ہم پاکستان کو مبارکباد پیش کرتے ہیں، پاکستان ہمارا قریبی دوست اور ہمسایہ ملک ہے۔
چینی ترجمان کا کہنا تھا کہ چین پاکستانی عوام کے انتخاب کا مکمل احترام کرتا ہے۔ چین پاکستان کی آنے والی نئی حکومت کے ساتھ مل کر کام کرنے کا خواہاں ہے۔ قریبی اور دوست ہمسایہ کے طور پر پاکستانی عوام کے انتخاب کا مکمل احترام کرتے ہیں۔
چینی ترجمان نے کہا کہ پاکستان کی جماعتیں انتخابات کے بعد سیاسی یکجہتی اور سماجی استحکام برقرار رکھنے کیلئے مل کر کام کریں گی۔
انہوں نے کہا چین پاکستان کمیونٹی کی تعمیر کو تیز کرنے کیلئے پاکستان کے ساتھ کام کرنے کی امید رکھتا ہے۔ دونوں ممالک کے عوام کے فائدے کے لیے نیا دور شروع کیا جائے گا۔
چینی ترجمان نے کہا یقین ہے کہ پاکستان میں متعلقہ فریق یکجہتی پر قائم رہ سکتے ہیں اور متعلقہ مسائل کو حل کرنے کیلیے مل کر کام کر سکتے ہیں
About The Author
