جرمنی کے ساتھ پاکستان دیرینہ تعلقات کو قدر کی نگاہ سے دیکھتا ہے، وزیر اعظم شھباز شریف
ridernewshd
1 min read
وزیر اعظم پاکستان شہباز شریف سے جرمن سفیر الفریڈ گرناس نے پیر کو اسلام آباد میں ملاقات کی۔
سرکاری اعلامیہ کے مطابق وزیر اعظم نے اس موقع پر اپنے دوبارہ انتخاب پر جرمن چانسلر اولاف شولز کے تہنیتی پیغام پر اظہار تشکر کیا۔وزیر اعظم نے کہا کہ پاکستان جرمنی کے ساتھ دیرینہ تعلقات کو قدر کی نگاہ سے دیکھتا ہے۔
انکا مزید کہنا تھا کہ پاکستان جرمنی کو یورپ میں اپنا ایک اہم شراکت دار تصور کرتا ہے۔
اعلامیہ کے مطابق وزیراعظم نے دوطرفہ تجارت اور سرمایہ کاری کو مزید وسعت دینے کی خواہش کا اظہار کیا اور کہا کہ پاکستان میں جرمن سرمایہ کاری میں اضافے کے وسیع امکانات موجود ہیں۔
سرکاری اعلامیہ کے مطابق انھوں نے جرمنی کا تجارتی وفد پاکستان بھیجنے کے اقدام کا خیر مقدم کرتے ہوئے کہا کہ وفد کے دورے کی کامیابی یقینی بنانے کیلئے ہر طرح سے سہولت فراہم کی جائے گی۔
وزیر اعظم نے جرمن چانسلر کو جلد پاکستان کا سرکاری دورہ کرنے کی دعوت بھی دی۔
سرکاری کے مطابق جرمن سفیر نے گفتگو کرتے ہوئے کہا کہ جرمنی دوطرفہ تجارت و سرمایہ کاری کیلئے پاکستان سے مل کر کام کرنے کا خواہاں ہے
About The Author
