ridernewshd 
بھارت کی تامل فلم انڈسٹری کے سپر اسٹار دھنوش اور ان کی سابقہ اہلیہ ایشوریا نے طلاق کیلئے باضابطہ طور پر عدالت سے رجوع کرلیا۔
انڈین میڈیا کی رپورٹ کے مطابق اداکار و ہدایت کار دھنوش اور رجنی کانت کی بیٹی و ہدایت کار ایشوریا نے حال ہی میں چنئی فیملی کورٹ میں طلاق کے لیے درخواست دائر کی ہے۔
جوڑے کے قریبی ذرائع نے بھارتی میڈیا کو بتایا کہ دھنوش اور ایشوریا نے باہمی رضامندی سے طلاق کے لیے عدالت سے رجوع کیا۔
رپورٹ کے مطابق دھنوش اور ایشوریا نے 2004 میں شادی کی تھی اور جوڑے کے دو بیٹے ہیں۔
تاہم 18 سال ساتھ رہنے کے بعد دھنوش اور ایشوریا نے جنوری 2022 میں علیحدگی کا اعلان کیا تھا، اس وقت ان کا یہ فیصلہ ان کے مداحوں کے لیے بہت بڑا صدمہ تھا کیوں کہ اس جوڑی کو فلم انڈسٹری کی کامیاب ترین جوڑی کہا جاتا تھا۔
دھنوش اور ایشوریا نے علیحدگی کا اعلان سوشل میڈیا پوسٹ کے ذریعے کیا تھا۔
About The Author
