بلوچستان سے 4 افغان گرفتار دہشتگردوں نے پاکستان میں دہشتگرد کارروائیوں کی منصوبہ بندی کا اعتراف کرلیا ۔

سکیورٹی فورسز نے بلوچستان میں پاک افغان سرحد کے قریب کامیاب آپریشن کر کے 4 اہم افغان دہشت گردوں کو گرفتار کر لیا۔

ذرائع کے مطابق 5 مارچ 2025 کو بلوچستان کے علاقے توبہ کاکڑی میں آپریشن کیا گیا جس میں 4 اہم دہشت گرد گرفتار کر لیے گئے۔گرفتار دہشت گردوں سے بھاری اسلحہ برآمد ہوا۔

گرفتار دہشت گرد نے اعترافی ویڈیو بیان میں بتایا کہ میرا نام اسام الدین اور والد کا نام گلشاد ہے، میں افغانستان سے آیا ہوں اور ہمارا نظریہ ہماری ٹریننگ ہے۔

دہشت گرد اسام الدین نے بتایا کہ میرے پاس 2 بندوقیں، 2 کلاشنکوف، ایک گرینیڈ اور دیگر اسلحہ تھا، ہم افغانستان سے 3 دن پہلے سرحدی باڑ کے راستے رات میں چوری چھپے پاکستان میں داخل ہوئے، ہم نے آگے پشین جانا تھا۔

سکیورٹی ذرائع کا کہنا ہے کہ گرفتار دہشت گردوں کو مزید تفتیش کیلئے نامعلوم مقام پر منتقل کر دیا گیا ہے، پہلے بھی کئی افغان دہشت گرد سکیورٹی فورسز کے ہاتھوں جہنم واصل ہو چکے ہیں۔

About The Author

ridernewshd

See author's posts