اگر بھارت نے مہم جوئی کی کوشش کی تو پاکستان بھرپور جواب دینگے۔سابق پاکستانی ہائی کمشنر
ridernewshd
1 min read
اسلام آباد،پاکستان کے سابق ہائی کمشنر عبد الباسط کا کہنا ہے کہ اگر بھارت نے مہم جوئی کی کوشش کی تو پاکستان بھرپور جواب دینگے۔
بھارتی ٹی وی کو دیے گئے انٹرویو میں عبد الباسط نے کہا کہ اگر بھارت کے پاس پاکستان کے خلاف کوئی ثبوت ہے تو وہ ہمارے ساتھ شیئر کرسکتے ہیں، اگر شیئر نہیں کرنا چاہتا تو دونوں ممالک بین الاقوامی تحقیقات کرا سکتے ہیں۔
انہوں نے کہا کہ اور اگر بھارت اُس کے لیے بھی تیار نہیں ہے تو پھر یہ اُس کی اپنی مرضی ہے لیکن اگر بھارت نے پاکستان کا پانی روکنے کی کوشش کی تو وہ آگ سے کھیلے گا۔
انکا مزید کہنا تھا کہ ہمارے پاس پاکستان میں مختلف دہشتگرد سرگرمیوں میں بھارتی مداخلت کے ٹھوس ثبوت موجود ہیں، پاکستان کو بھی بھارت سے متعلق کئی خدشات ہیں۔ اگر بھارت نے مہم جوئی کی کوشش کی تو پاکستان بھرپور جواب دینے کے لیے تیار ہے، تاہم امید ہے عقل و دانش کا مظاہرہ کیا جائے گا۔
About The Author
