ridernewshd 
بھارت میں گود لی گئی لڑکی نے 14 سال کی عمر میں اپنے بوائے فرینڈز کے ساتھ مل کر ماں کو قتل کردیا۔
بھارتی میڈیا رپورٹس کے مطابق یہ واقعہ بھارت کے گجپتی ضلع میں پیش آیا جہاں 14 سالہ لڑکی کو اپنے 2 بوائے فرینڈز کے ساتھ مل کر ماں کے منہ پر تکیہ رکھ کر قتل کرنے کے الزام میں گرفتار کیا گیا ہیں۔
میڈیا رپورٹس کے مطابق 14 برس قبل بے اولاد جوڑا سڑک پر پھینکی گئی خاتون نے 3 دن کی نومولود بچی کو بیٹی بنا کر گھر میں لایا اور پھر خاتون نے اس کا 14 سال اکیلے پرورش کی۔ کچھ عرصہ قبل لڑکی نے عمر میں خود سے کئی سال بڑے رتھ اور ساہو نامی لڑکوں سے تعلقات استوار کرلیے تھے۔
میڈیا رپورٹس کے مطابق اس کی سوتیلی ماں بیٹی کے عمر میں کئی سال بڑے لڑکوں سے تعلقات کے خلاف تھی، دونوں لڑکوں کی جانب سے لڑکی کو والدہ کو قتل کرکے اس کی جائیداد پر قبضہ کرنے کی ترغیب دی گئی۔
قتل کیسے ہوا ؟
دوران تفتیش پولیس کو معلوم ہوا کہ خاتون کا قتل 29 اپریل کو کیا گیا، اس شام لڑکی نے اپنی ماں کو کچھ دوائیاں دے کر سلادیا، بعد ازاں اپنے دونوں بوائے فرینڈز کو گھر بلا کر ماں کا تکیے سے منہ دبا کر اسے قتل کرواڈالا، خاتون کی موت کے بعد بیٹی اسے بوائے فرینڈز کے ساتھ مل کر ماں کو اسپتال لے گئی جہاں اسے مردہ قراردیا گیا، ماں کی موت کے بعد لڑکی نے خود اپنے رشتہ داروں کو اطلاع دی ‘۔
پولیس کے مطابق خاتون کے قتل کی کہانی اس وقت منظر عام پر آئی جب مقتولہ کے بھائی کے ہاتھوں اس لڑکی کا موبائل فون لگ گیا جہاں اس کی بہن کو قتل کرنے کیلئے 70 گرام سے زیادہ سونے کے زیورات اور 60000روپے نقدی چوری کرنے کے میسیجز موجود تھے۔
اس کے بعد پولیس نے مقدمہ درج کرتے ہوئے لڑکی کو اس کے دو بوائے فرینڈز سمیت گرفتار کرلیا جب کہ تفتیش کے دوران پولیس نے ملزمان سے3 موبائل فون، قتل میں استعمال ہونے والے 2 تکیے اور تقریباً 30 گرام سونے کے زیورات بھی برآمد کر لیے ہیں۔
About The Author
