ridernewshd 
بلوچستان پاک آرمی کے کارروائی میں بھارتی پراکسی بلوچ لبریشن فرنٹ کے 3 دہشت گرد ہلاک ہوگئے ہیں۔
دی جی آئی ایس پی آر کے مطابق سکیورٹی فورسز کی جانب سے خفیہ اطلاعات پر کارروائیاں17 اور 18 مئی کو کی گئیں۔ضلع کیچ کے شہر تربت میں سکیورٹی فورسز کی کارروائی میں 2 دہشت گرد مارے گئے۔
آئی ایس پی آر کے مطابق مارے گئے دہشت گردوں میں گروہ کاسرغنہ صبراللہ اور امجد عرف بچو شامل ہے۔ ہلاک دہشت گرد قانون نافذ کرنے والے اداروں کے خلاف دہشت گردی کی متعدد کارروائیوں،اور بے گناہ شہریوں کی ٹارگٹ کلنگ میں ملوث تھے۔
اسکے علاوہ ضلع آواران کے علاقےگِشکور میں بھی خفیہ اطلاعات پر آپریشن کیا گیا جس میں بھارتی اسپانسرڈ دہشت گرد یونس ہلاک اور 2 دہشت گرد زخمی ہوگئے۔
آئی ایس پی آر کا کہنا ہےکہ سکیورٹی فورسز بلوچستان میں بھارتی ایجنٹوں کی امن و استحکام سبو تاژ کرنےکی کوششیں ناکام بنانے کے لیے پرعزم ہیں۔
About The Author
