ridernewshd 
جمعیت علمائے اسلام کے سربراہ مولانا فضل الرحمان سے پاکستان پیپلزپارٹی کے وفد نے ملاقات کی۔
خیبر پختونخوا میں سینیٹ الیکشن کے موقع پر مولانا فضل الرحمان سے پیپلزپارٹی کے وفد کے خورشید شاہ کی قیادت میں ملاقات کی۔
ملاقات میں پی پی وفد کے گورنر خیبر پختونخوا فیصل کریم کنڈی اور ظاہر شاہ شامل تھے جبکہ ملاقات میں اکرم خان درانی، مولانا لطف الرحمان، اسعد محمود اور اسجد محمود شریک ہوئے۔
ملاقات میں خیبرپختونخوا میں سینیٹ الیکشن پر بات چیت کی گئی اور سینیٹ الیکشن مل کر لڑنے پر مشاورت کی گئی۔
ذرائع کے مطابق کے پی میں ن لیگ،پیپلزپارٹی،جےیوآئی کی مل کر الیکشن لڑنےکی حکمت عملی طےہونے کا امکان ہے جبکہ کے پی سینیٹ الیکشن میں اے این پی کو بھی ساتھ ملانے کی کوشش ہوگی۔
ذرائع نے بتایا کہ کے پی سینیٹ الیکشن میں صوبائی اسمبلی میں آزاد ارکان سے بھی رابطےکیے جائیں گے۔
About The Author
