وزیر اعظم شہباز شریف نے پی آئی اے کی برطانوی فضاؤں میں واپسی کو خیر مقدم کیا ۔

اسلام آباد : وزیراعظم شہباز شریف نے کہا ہے کہ پی آئی اے کی برطانوی فضاؤں میں واپسی قومی ائیرلائن کی پروازوں کا دوبارہ آغاز اہم سنگ میل ہے۔

ایکس ویب سائٹ پر پیغام میں وزیراعظم شہباز شریف نے لکھا کہ الحمدللہ! پی آئی اے کی برطانیہ کے آسمانوں پر واپسی ہو چکی ہے، آج کا اعلان طویل انتظار کے بعد خاندانوں اور دوستوں کیلئے دوبارہ ملنے کے نئے مواقع لے کر آیا ہے۔

 وزیراعظم شہباز شریف نے کہا کہ پی ٹی آئی رہنماؤں کے غیرذمہ دارانہ بیانات سے ماضی میں پاکستانی پروازوں پر پابندیاں لگیں اور پی ٹی آئی رہنماؤں کے غیرذمہ دارانہ بیانات سے ملکی ساکھ کو نقصان پہنچا۔

وزیراعظم شھباز شریف نے کہا کہ برطانیہ اور پاکستان کے درمیان سفر میں یہ آسانی اس اہم تجارتی تعلقات کو کئی گنا بڑھنے میں مدد دے گی۔ انہوں نے وزیر دفاع، پوری ایوی ایشن ٹیم اور دیگر تمام سٹیک ہولڈرز کی اس سلسلے میں انتھک کوششوں کو سراہا۔

دوسرے جانب برطانوی ہائی کمیشن کا کہنا ہے کہ پاکستان کا نام برطانیہ کی ایئر سیفٹی لسٹ سے نکال دیا گیا، پاکستانی ایئر لائنز اب برطانیہ کیلئے پروازوں کی اجازت کی درخواست دے سکتی ہیں۔

About The Author

ridernewshd

See author's posts