ridernewshd 
چیئرمین پاکستان پیپلزپارٹی بلاول بھٹو نے کہا کہ سیلاب سے تنہا مقابلہ نہیں کرسکتے، عالمی دُنیا ہماری مدد کرے۔
ملتان میں متاثرین سےخطاب کرتے ہوئے بلاول بھٹو زرداری کا کہنا تھا کہ ملک بھر میں سیلابی صورتِ حال ہے اور متاثرین کو مشکلات کا سامنا ہے۔مشکل وقت میں سیلاب متاثرین کے ساتھ ہیں،عالمی سطح پر سیلاب متاثرین کیلئے امداد کی اپیل کرنے کا مطالبہ کرتے کہا پہلے ہی اِس معاملے پر بہت تاخیر کی جا چکی ہے ، فوری طور پر اقوام متحدہ جانا چاہیے، پاکستان کے دوست ممالک مدد کرنا چاہتے ہیں۔
قبل ازیں سیلاب متاثرہ علاقے کے دورے کے موقع پرچیئرمین پاکستان پیپلزپارٹی کا کہنا تھا کہ وفاق اورصوبے سیلاب کا تنہا مقابلہ نہیں کرسکتے، پنجاب میں سیلاب کے معاملے پر مثبت رپورٹنگ قابل تعریف ہے۔
بلاول بھٹو نے کہا کہ متاثرین کے قرض اور بجلی کے بل معاف کئے جائیں، زرعی شعبے کو ریلیف دیا جائے، سیلاب متاثرین کے نقصانات کا ازالہ ہوناچاہیے، ملک میں زرعی ایمرجنسی لگائی جانی چاہیے۔
اُن کا کہنا تھا کہ حکومت بیج اور کھاد پرکسانوں کو سہولت دے، وفاقی حکومت کو صوبائی حکومتوں کے ساتھ مل کرکام کرنا ہوگا، وزیرخارجہ عالمی سطح پر باضابطہ اپیل کریں۔
چیئرمین پاکستان پیپلزپارٹی نے مزید کہا کہ سیلاب کے شروع سے اختتام تک کسانوں کے بل معاف کرنے چاہئیں ، بینظیرانکم سپورٹ پروگرام کےذریعےمتاثرین کی مدد کی جائے۔
About The Author
