اسلام آباد ہائیکورٹ: نجی چینل کو عاصمہ شیرازی سے معافی مانگنے، ہرجانہ ادا کرنے کا حکم

اسلام آباد ہائیکورٹ نے پیمرا فیصلے کے خلاف سینئر صحافی عاصمہ شیرازی کی اپیل کا فیصلہ سنا دیا۔ عدالت نے غلط خبر نشر کرنے پر نجی چینل کو سینئر صحافی عاصمہ شیرازی سے معافی مانگنے کا حکم دے دیا۔

14 صفحات پر مبنی فیصلہ جسٹس محسن اختر کیانی نے تحریر کیا ہے، جس میں کہا گیا ہے کہ سینئر صحافی عاصمہ شیرازی سے متعلق غلط خبر نشر کرنے پر نجی چینل معافی نامہ نشر کرے۔

اسلام آباد ہائیکورٹ نے نجی چینل کو سینئر صحافی عاصمہ شیرازی کو 50 ہزار جرمانہ دینے کا حکم بھی دے دیا۔

عدالت نے کہا کہ عاصمہ شیرازی چاہیں تو نجی چینل پر ہتک عزت کا دعویٰ بھی دائر کر سکتی ہیں، نجی چینل نے سپریم کورٹ کی خبر کے ساتھ غلط طور پر عاصمہ شیرازی کی تصویر بار بار نشر کی۔

 اسلام آباد ہائیکورٹ کا کہنا ہے کہ پیمرا قانون کے تحت چینلز کی ذمہ داری ہے کہ خبر کو درست انداز میں نشر کیا جائے، پیمرا قانون کے مطابق کسی کے خلاف غلط، ہراسانی پر مبنی اور ہتک آمیز خبر نہیں چلائی جا سکتی۔

About The Author

ridernewshd

See author's posts