خیبرپختونخوا: اسپتالوں میں طبی آلات و ادویات کی قلت، نگراں وزیرِ اعلیٰ کو خط لکھ دیا گیا
ridernewshd
1 min read
خیبر پختون خوا کے اسپتالوں میں طبی آلات اور ایمرجنسی ادویات کی قلت کے معاملے پر سیکریٹری صحت نے نگراں وزیرِ اعلیٰ کو خط لکھ دیا۔
خط کے مطابق اسپتالوں میں طبی آلات اور اینٹی ریبیز ویکسین سمیت ایمرجنسی ادویات کی قلت ہے، صوبے بھر کے اسپتالوں کی ضروریات کو پورا کرنے کے لیے 9 ارب روپے درکار ہیں۔
خط میں بتایا گیا ہے کہ فنڈز کی عدم دستیابی کے باعث ادویات کی فراہمی کے لیے کوئی آرڈر نہیں دیا گیا، محکمہ صحت کے ذمے 2 ارب 67 کروڑ 40 لاکھ روپے کے واجبات ہیں۔
خط میں مزید کہا گیا ہے کہ مالی سال 23-2022ء کے دوران ادویات کی خریداری کے لیے 90 کروڑ روپے سے زائد مختص کیے گئے تھے۔
خط میں یہ بھی کہا گیا ہے کہ مالیاتی بحران کے باعث 6 ارب روپے اضافی گرانٹ کی بھی ضرورت ہے۔
About The Author
