ridernewshd 
سابق اسپیکر قومی اسمبلی اسد قیصر نے پیپلز پارٹی کے چیئرمین بلاول بھٹو زرداری کو ہدف تنقید بنالیا۔
صوابی میں انتخابی جلسے سے خطاب میں اسد قیصر نے کہا کہ پوچھتا ہوں کہ بلاول بھٹو زرداری نے سندھ کو کونسا ماڈل صوبہ بنادیا ہے۔
انہوں نے کہا کہ کراچی کی سڑکوں، اسپتالوں اور اسکولوں کا برا حال ہے، سندھ کا تو نام آپ نے بدنام کیا ہے۔
سابق اسپیکر نے مزید کہا کہ پی ڈی ایم اور پیپلز پارٹی ملک کی معاشی بدحالی کے ذمے دار ہیں، اقتدار میں آکر سب سے پہلے صحت انصاف کارڈ کو بحال کریں گے۔
ان کا کہنا تھا کہ ہم نے آزاد خارجہ پالیسی کی بنیاد رکھی تھی، ہم نے اپنے پڑوسی ممالک کے ساتھ اچھے تعلقات کے لیے اقدامات کیے تھے۔
About The Author
